Игбал, мојата тајна

Им се восхитувам на децата што имаат разбирање за возрасните а ги почитувам возрасните што ги разбираат децата и умеат да ги (про)читаат книгите за деца. Оваа што ја држите в раце им е наменета и на едните и на другите. – Авторката

Кој е мистериозниот Игбал? Зошто животот на Бреза, откако ќе го сретне, станува двоен? Едниот вообичаен, како на врсниците на прагот од деца кон младинци. Другиот, што го минува насамо со Игбал, магично волшебен како возбудлива, чудесна авантура. Која е причината што Бреза него го чува во длабока тајност? Еден ден добива писмо од далечниот Кашмир. Загатката продолжува.