Кво Вадис

Славна сага сместена во времето на декадентниот и суров древен Рим - од Форумот до Колосеумот, од раскошните сали за гозба до летниковците во Неапол, од луксузните вили на благородништвото до мрачните и влажни катакомби на сиромасите - со својата оригиналност и величенствениот стил и понатаму го задржува вниманието на читателите, иако за прв пат е објавена пред повеќе од еден век.

Поставена на пресвртницата во историјата, во првиот век од новата ера, додека христијанството го заменува времето на корупција и неморал што го обележува Нероновиот Рим, се одвива невозможна љубовна приказна помеѓу Винициј, горд римски патрициј и Лигија, христијанка и недопирлива убавица, таинствена девојка која исчезнува онаа ноќ кога ќе се сретнат.