Суптилниот нож

„Суптилниот нож“ е вториот том од трилогијата „Темната граѓа“ (оригинален наслов His Dark Materials). Делото е напишано уште во 1997 година, а од 2019-та трилогијата е критички и комерцијално успешна серија на Би-би-си и Ејч-би-о. Денес, романите на Филип Пулман се сметаат за модерни класици на детската литература.

Таа праша: „Што е тој? Пријател или непријател?“

Алетиометарот одговори: „Тој е убиец“.

Вил само што уби човек. Тој е во бегство.

Бегството ќе го одведе далеку од неговиот свет, во страшен и вознемирувачки напуштен град. Таму ќе сретне едно девојче, Лира.

Судбините на двете деца се чудно поврзани и тие заедно мораат да го најдат најопасното оружје, што ќе ја определи иднината на сите светови.