Умешноста на војувањето

Напишана пред повеќе од 2 000 години од еден мистериозен војник-филозоф, „Умешноста на војувањето“ е една од најценетите и највлијателни книги за воените стратегии. Применувани од војсководците од дамнешни времиња, сознанијата на Сун Цу засновани врз кинеската воена мисла и денес нашироко се користат, и тоа не само во војувањето туку и во политиката, бизнисот и секојдневниот живот.

Како студија за составот на организациите што се наоѓаат во војна, „Умешноста на војувањето“ може да се примени на секаков вид натпреварувања и битки – од интерперсонални до интернационални. Нејзината цел е да се издвојува победа без борба, да се стекне моќ што не може да биде совладана од противниците, а која ќе се темели врз сфаќањата за физиката, политиката и психологијата на конфликтите.