Близначки

…Јован стана од столот и ме повлече кон себе. Не му се спротивставував. Му се предадов. Во овој момент постоевме само ние двајцата. Долго време потиснатите желби како лава се излеваа од нашите тела кои согоруваа во овие моменти на сплотеност, на страст, на љубов.

„Ова ми беше најубавата ноќ во животот за која вредеше да се живее“, мислев. За ништо не жалам. Стојам пред Бога спремна да ги поднесам последиците за гревот што го направив со мажот на сестра ми. Тоа беа моите први мисли кога рано наутро полека се извлекував од неговата прегратка и мека постела.